Dir kënnt d’Buch direkt hei kafen : 
An Dir fannt d’Buch och an den traditionnelle Librairien, net wäit vun Iech ewech.
Folgend Verkafsplazen hunn d’Buch mat Sécherheet:
Luxembourg-Gare, Diekirch, |
Luxembourg-Ville, City Concorde, |
Bonnevoie |
Senningen |
Konzept & Direction artistique
De Marco huet de Konzept vum Projet entworf. E Wimmelbuch mat engem lëtzebuergeschem Touch. Hien huet d’Plazen erausgesicht an de Grondrëss vun de Personnagen, Aktiounen a Point-de-vuën erstallt. Seng ganz präzis Iddië huet et fir de Nic an d’Muriel gegollt beschtméigelech ëmzesetzen. Haaptberufflech leet hien d’Agence mediafins an huet eng schonn eng Partie Joeren um Bockel am Print- an am Onlinegeschäft. Mat engem artisteschen, informateschen an manageriale Background surft hien gären tëscht Design, Kommunikatioun an IT hin an hier.
llustratioun
De Nic ass séier fir dëse Projet waarm ginn. D’Erausfuederung war fir de lokale Kontext esou zeréckzeginn, datt d’Kanner hiert bekanntent Ëmfeld erkennen, mä datt d’Biller uspriechend bleiwen a virun allem net ze komplizéiert ginn. Obwuel eng Partie Indikatioune virgi waren, hat hie Carte blanche fir weider Spiichten a Personnagen anzebauen.
Bekannt ass hie ginn duerch seng Illustratiounen am Zack (Jugendzeitung) an den 80/90er, duerch d’Kannerbuchserie ‘Wir entdecken’ (Éditions Saint-Paul), duerch divers Karrikaturen an eise nationalen Dageszeitungen awer och durch de Comicfestival zu Contern. Do sinn eng Partie vu senge Cartoons souguer an d’Ausland verkaft ginn. Weider Participatiounen bei Projetë vum Schoulministère, verschiddene Gemengen awer och ONGen.
Coloratioun
D’Muriel war schnell iwwerzeegt bei dësem Projet matzemaachen an dem Nic seng lëschteg Zeechnungen anzefierwen. Hatt huet sech no sengem Studium zu Bréissel, elo säit 15 Joer als fräischaffend Illustratorin hei ze Lëtzebuerg établéiert. Déi kënschtleresch Disponibilitéit gëtt awer als Mamm vun 2 klenge Kanner, dagdeegelech strapazéiert. Hatt huet sech ee Numm gemaach mat senger ganz eegener Patt. Et huet eng Rei Kannerbicher illustréiert fir divers lëtzebuerger Verläg. Donierft huet et och bei Schoulbicher fir d’Primärschoul mat illustréiert wou een de Lies a fléi kann eraushiewen, ee Recueil mat lëtzebuerger Kannertexter vu lëtzebuerger Auteuren. Et zielt ënnert anerem d’Post, de Naturmusée ma och d’Kannerduerf zu sengen treie Clienten.
Als Editeur si mir zwar nei um Marché, mä als Agence baue mir op eng buedemstänneg Experienz am Print-Design an an der Editioun vu Bicher op. Eist Zil ass et, qualitativ héichwäerteg Bicher ze publizéieren, souwuel wat de Contenu ugeet wéi och d’Form. Wann Dir de Wonsch, d’Iddi oder de Projet hutt ee Buch op de Maart ze bréngen, kontaktéiert eis iwwert de Formulaire hei drënner. Mir setzen eis séier mat Iech a Verbindung.
| mediafins publishing 11, rue Jean l’Aveugle L-1148 Luxembourg • T:+352 28 77 66 55 F: +352 28 77 66 56 M: +352 661 610 600 • contact[at]mediafins.com Skype: mediafins |